影片
更多
2021-11-04
58 浏览
天文台講到明呢兩日會開始凍，即刻嗱嗱聲去食返個暖身羊腩煲先🤩呢度除咗羊腩煲仲有打冷食品同小菜，款式都幾多！招牌羊腩煲有大煲細煲選擇，今次我哋兩個人所以叫咗細煲，價錢$398嚟講份量算中規中矩。羊腩本身炆得好淋，輕輕一咬已經骨肉分離，呢度係抵讚嘅！幼嫩嘅口感之中帶少少羊羶香，而且仲有好多羊皮連肉，勁鍾意食羊皮，質感Q彈Q彈，比起豬皮又有另一番風味，再點少少腐乳醬，真係香酥銷魂㗎！另外個枝竹都炆得幾入味，索晒啲湯汁，咸香十足！另外佢呢度冇配搭竹筍嚟煮，非常啱我呢啲濕疹人士，唔使驚食完之後發作，但係又保持到風味👍👍另外叫咗個潮州靚鵝片例牌，話說我呢啲妹仔胃最鍾意食墊底嘅豆腐😂呢舊豆腐皮滿滿滷汁，豆香豆滑，我好鍾意食喎😋反而鵝片淨係食咗兩片😂鵝片口感比較爽實，吃嘅時候會feel到淡淡肉香，味道清新。📍紅伶飯店 (油麻地)油麻地砵蘭街14號地舖
招牌羊腩煲有大煲細煲選擇，今次我哋兩個人所以叫咗細煲，價錢$398嚟講份量算中規中矩。羊腩本身炆得好淋，輕輕一咬已經骨肉分離，呢度係抵讚嘅！幼嫩嘅口感之中帶少少羊羶香，而且仲有好多羊皮連肉，勁鍾意食羊皮，質感Q彈Q彈，比起豬皮又有另一番風味，再點少少腐乳醬，真係香酥銷魂㗎！另外個枝竹都炆得幾入味，索晒啲湯汁，咸香十足！另外佢呢度冇配搭竹筍嚟煮，非常啱我呢啲濕疹人士，唔使驚食完之後發作，但係又保持到風味👍👍
另外叫咗個潮州靚鵝片例牌，話說我呢啲妹仔胃最鍾意食墊底嘅豆腐😂呢舊豆腐皮滿滿滷汁，豆香豆滑，我好鍾意食喎😋反而鵝片淨係食咗兩片😂鵝片口感比較爽實，吃嘅時候會feel到淡淡肉香，味道清新。
📍紅伶飯店 (油麻地)
油麻地砵蘭街14號地舖
张贴
