紅樹林餐廳 (已結業)

當日早上(20/10) 要去葵芳睇牙醫, 因為之後要準備"Cool" 牙呀. 去之前更係要食個早餐先啦, 咁我就行0左去葵涌廣場, 之後望到頂層間餐廳<紅樹林>0既環境好似唔錯喎, 入到去, 我一個人都可以坐卡位, 舒服, 舒服!!! 沙爹牛肉麵餐 ($18) ~ 賣相都不錯, 食落無失望!!!首先0黎0既係個餐飽, 仲係暖粒粒, 正!!! 碗麵加0左少少紅椒同青椒, 令色香味個色加不少分. 牛肉方面, 係我比較鐘意食0既口感, 唔會太"淋", 而且有d 咬口, 不錯. 麵底應該不是出前一丁, 但係配上清甜0既湯底, 效果不錯!!!整體評價：環境好, 質素高!!!