漁匠料理 (已結業)

今日放工同朋友嚟呢間同事講過唔錯既日本料理鋪頭食飯傾計先。我地一坐低無耐，眨下眼全場就爆曬要等位。見到有人叫下邊呢款珍寶三文魚壽司，我地都當然要叫下嚟食喇。仲order 左吞拿魚壽司，赤海蝦壽司。長長三文魚未食就已經覺得好吸引，食落三文魚夠新鮮肥美，令我忍唔住要食多件。另外我地都order 左牛脷，雞肉，煙肉蕃茄串燒。佢地上菜既時候會另上爐，等你將原本只係燒到七，八成熟既肉親自放上去再燒香d。燒完既雞肉，食落仲保持到肉汁，牛脷味道都唔錯。另外帆立貝放上爐燒之後，牛油溶液香味慢慢散發出嚟，令到燒完既帆立貝夠鮮味又帶有牛油香。最後仲食埋佢地個鵝肝大根，鵝肝整得好味，但係要好似漢堡包食法一樣將冬菇大根夾埋一齊食就比較無咁油膩。