悅火 (已結業)

有朋自遠方來，一於食好啲，同佢去食日本嘢。上網睇到尖沙咀新開咗悅火，有優惠！預先訂座可以全日全單85折仲要免加一！本身想坐tatami，不過我哋得兩個人，下次多啲人先坐入去。行到身水身汗，飲杯冰凍嘅Sapporo好舒服 🍺 今晚揀咗爐端燒晚餐，好豐富。一開始先有前菜四點，炸深海池魚仔夠香口，幾好味；汁煮八爪魚好甜甜哋咁，好入味。接着有刺身食，金目鯛同池魚刺身都係厚切，口感好正。我偏好金目鯛，輕輕火炙咗同埋調咗味，唔錯。食完刺身就到八款串燒：豬腩肉、白鱔、雞腿肉、免治雞肉棒、牛舌、秋葵、蕃茄仔、冬菇。豬腩肉燒到脆脆哋，師傅調味都算重手，所以都幾好食！白鱔係必食推介，魚皮燒得好脆，魚肉肥美👍🏻之後仲有雞腿肉、免治雞肉棒、牛舌、秋葵、蕃茄仔同冬菇。牛舌好好味，夠厚身！之後飲咗一碗清淡嘅魚湯配豆腐，清一清味蕾。最後成為炒飯同埋甜品，飽到上心口啊！