影片
更多
2019-06-17
1993 浏览
餐廳：蒲頭島 (大圍)地址：大圍積信街16號祥豐大廈1樓係啱啱五月中開第四間分店嘅蒲頭島開到去大圍😍要知道大圍積存街附近係食宵夜嘅好地方，各式各樣嘅餐廳林立，至於蒲頭島一定岩哂香港人口味，主打半放題火鍋燒烤自助餐，一個價錢就可以又鐵板燒/網燒又打邊爐，就算一大班人都可以迎合到唔同人嘅需要大概八點去到間新開嘅分店，全場爆滿，仲有好多人等緊位，好彩book左位，如果唔係相信都要等好一段時間先至有位除咗火鍋同燒烤，場內仲畫分咗自助美食區、飲品區、火鍋配料區等，有接近20款嘅凍食熱食炸物，餃子薯角春卷豬手燒賣等等任你揀，仲有雪糕機添今次就點咗個C2套餐，係龍蝦鮑魚海鮮拼盤加任飲任食火鍋同鐵板燒半放題，每位承惠$268 再加一(因為星期六去嘅關係，所以比平日貴咗$10)湯底有十幾款選擇，加$48仲可以揀鴛鴦鍋底，可以揀兩款收費/免費嘅湯底，我就揀左芫茜皮蛋湯同芝士鮮茄蓉海鮮湯。芝士鮮茄湯茄海鮮湯夠香濃，不過略嫌芝士唔夠出味，如果可以再濃啲嘅話我會更加開心~海鮮拼盤有七款海鮮，最令我注目嘅當然係越南青龍蝦、北海道元貝同埋大蓮鮑魚，而拼盤仲有智利青口、扇貝同長蟹柳，相當吸引，用料亦係各地嘅特產，務求
地址：大圍積信街16號祥豐大廈1樓
係啱啱五月中開第四間分店嘅蒲頭島開到去大圍😍要知道大圍積存街附近係食宵夜嘅好地方，各式各樣嘅餐廳林立，至於蒲頭島一定岩哂香港人口味，主打半放題火鍋燒烤自助餐，一個價錢就可以又鐵板燒/網燒又打邊爐，就算一大班人都可以迎合到唔同人嘅需要
大概八點去到間新開嘅分店，全場爆滿，仲有好多人等緊位，好彩book左位，如果唔係相信都要等好一段時間先至有位
除咗火鍋同燒烤，場內仲畫分咗自助美食區、飲品區、火鍋配料區等，有接近20款嘅凍食熱食炸物，餃子薯角春卷豬手燒賣等等任你揀，仲有雪糕機添
今次就點咗個C2套餐，係龍蝦鮑魚海鮮拼盤加任飲任食火鍋同鐵板燒半放題，每位承惠$268 再加一(因為星期六去嘅關係，所以比平日貴咗$10)
湯底有十幾款選擇，加$48仲可以揀鴛鴦鍋底，可以揀兩款收費/免費嘅湯底，我就揀左芫茜皮蛋湯同芝士鮮茄蓉海鮮湯。芝士鮮茄湯茄海鮮湯夠香濃，不過略嫌芝士唔夠出味，如果可以再濃啲嘅話我會更加開心~
海鮮拼盤有七款海鮮，最令我注目嘅當然係越南青龍蝦、北海道元貝同埋大蓮鮑魚，而拼盤仲有智利青口、扇貝同長蟹柳，相當吸引，用料亦係各地嘅特產，務求滿足食客嘅口福，海鮮新鮮肥美，青龍蝦仲有顯而易見嘅蝦膏🤤見到都忍唔住想快啲食
想點食物嘅話用QR code落單就得，非常方便，雖然只係得大約三四十款食物可以揀，但係都真係夠哂你食，講緊一款雞件仲有分原味、花彫或者清酒醃製嘅，確實外面比較少有
講起特色，又點少得呢到嘅鬼馬蝦膠，原來所謂嘅鬼馬係指油炸鬼，配上彈牙蝦膠，咁嘅配搭都係第一次見，非常之夾
张贴
