活一鮮 (已結業)

晚餐食左呢間位於北角站附近既一間日本餐廳，去到門口已經見到日本風格既設計😍睇到menu覺得價錢好平民，而且圖片都好吸引我既眼球，種類都好多🤤諗都唔洗諗就揀左佢！佢地提供既魚生飯都有好多組合，唔洗驚唔岩食😂今次就揀左個豪華小小特上活一鮮丼，個人比較中意唔同既刺身，呢個丼非常岩我胃口😳全部刺身都好新鮮好甜，切片既厚薄岩岩好，食落係有種入口即融既感覺！另外叫左個燒松葉蟹羔，呢個燒既蟹膏好惹味，味道好濃好香，啖啖濃郁蟹膏味，鹹鹹地食落口好正😳因為叫左一枝清酒，所以就點左個燒鱈魚干用黎送酒，燒到脆脆地，仲可以點沙律醬一齊食，同酒係一個完美既配搭😋而且叫酒既話，店員仲會比你簡酒杯，可以自己揀岩心水，飲都飲得開心啲🤤