旺角海鮮菜館

我哋七個人食生日晚飯，叫咗人套餐每位488 ，另加咗三個餸俾唔食海鮮的小朋友。
最驚喜係杏汁豬肺湯，好香杏仁味，豬肺好滑👍
六小碟外貌不揚，但各有風味，韭菜看似簡單，但好嫩好爽，小小的海蜇頭好爽好特別👍
白胡椒蟹煲好香，粉絲朔晒蟹味，淡淡的辣味帶出鮮和惹味的平衡👍
清蒸海上鮮，火候剛好，僅僅熟，好滑👍
金沙蝦球，鹹蛋黃完全覆蓋，好邪惡，炸漿稍厚
蒜蓉粉絲蒸帶子，好大隻，但蒸得過咗火，稍老，好在蒜蓉同粉絲好味
鮑魚不過不失，勝在夠大隻
另外叫的咕嚕肉，小炒王都好好味。仲送咗碟炒蜆俾我哋
三個夥計好友善，親切，餐飯食得好開心，性價比高😘