滾得囍宮廷火鍋小炒 (已改名) 查看

終於可以四個人一齊出街食晚飯，多多我哋都食得落，滾得開心滾得喜，呢間滾得囍宮廷火鍋小炒位於北角馬寶道，地鐵站行出嚟幾分鐘就到，門口有張皇帝椅，果然宮廷風格。木屏風隔開客人，桌面寬躺，我哋牛、豬、雞、海鮮，大開殺戒！點了招牌之一的康熙花膠雞湯鍋，奶白顏色湯底，非常之甜，飲完唔覺口乾，所以記得先飲兩碗清湯。之後才放雞件，不用灼多久，肉非常嫩，又冇雪味，冇理由唔係新鮮雞，有半隻，每人三、四件。本地牛頸脊騙牯牛肉，限定供應，大份$398有咁多，很有牛肉嚼囗，一衆牛魔王食得好滿足。不止如此，伊比利亞橡果豬即是黑毛豬，切了薄片，唔使灼幾耐，幾乎忘記佢係豬，出了九成熟食第一片！爽脆口感，正呀！一人一只蟶子皇，新鮮！白鱔片，脆嫩！御膳堂祕制魚滑，以乾冰散出仙氣，不同凡響，手製的非常有彈性，墨魚滑與蝦滑各一雙拼。仲有蜂巢豆腐、雞髀菇、靈芝菇。最後的日本正宗稻庭烏冬，很滑很有質素。服務態度非常好，性價比非常滿意。