影片
更多
2016-06-14
1528 浏览
近期甜品畫大熱，Facebook不停俾人洗板，我當然都唔執輸啦，趁住紀念日捉男朋友仔去。好彩一早book左位，去到基本上都已經full，座位唔算多大約20個，等左一陣就可以入座啦。店員首先比左兩支石榴汁我地清清個味蕾先，石榴汁味道好清新，好新鮮既感覺啊！之後主角就黎啦。店員首先俾我地揀要黑白定係灰既底板先，我地當然揀左型格黑啦。之後佢就開始係上面作畫啦。首先加D底色，其實係用唔同顏色既生果味醬汁去做底，有椰子味、香芋味、莓味等等。味道好香，而且顏色豐富。見店員係上面三兩下手勢就大概畫左個背景出黎啦，佢仲問我地試唔試下，但係冇乜藝術天份都係唔好搞啦。跟住佢就逐樣逐樣食材鋪上幅畫到，幫佢裝飾下。柑橘啫喱、番薯燉蛋、綠茶mochi、朱古力脆片、朱古力布甸、紅豆忌廉、藍莓、紅莓等等各式各樣唔同既食材放上面。幅畫其實已經完成左八成架啦，見到佢鋪下鋪下，顏色又襯得幾靚喎。跟住佢就開始整雪糕啦，今日雪糕味道係竹炭朱古力同埋菠蘿。見到D朱古力醬同液態氮溝埋一齊，即刻變成硬塊，而雪糕亦都係咁產生。將雪糕放係中間，再加D shocking pink既龍鬚糖，甜品話已經完成啦。店員仲好主動幫我地影相，即刻
店員首先比左兩支石榴汁我地清清個味蕾先，石榴汁味道好清新，好新鮮既感覺啊！
之後主角就黎啦。店員首先俾我地揀要黑白定係灰既底板先，我地當然揀左型格黑啦。之後佢就開始係上面作畫啦。
首先加D底色，其實係用唔同顏色既生果味醬汁去做底，有椰子味、香芋味、莓味等等。味道好香，而且顏色豐富。
見店員係上面三兩下手勢就大概畫左個背景出黎啦，佢仲問我地試唔試下，但係冇乜藝術天份都係唔好搞啦。
跟住佢就逐樣逐樣食材鋪上幅畫到，幫佢裝飾下。柑橘啫喱、番薯燉蛋、綠茶mochi、朱古力脆片、朱古力布甸、紅豆忌廉、藍莓、紅莓等等各式各樣唔同既食材放上面。幅畫其實已經完成左八成架啦，見到佢鋪下鋪下，顏色又襯得幾靚喎。
跟住佢就開始整雪糕啦，今日雪糕味道係竹炭朱古力同埋菠蘿。
見到D朱古力醬同液態氮溝埋一齊，即刻變成硬塊，而雪糕亦都係咁產生。
將雪糕放係中間，再加D shocking pink既龍鬚糖，甜品話已經完成啦。店員仲好主動幫我地影相，即刻要擺上Facebook公諸同好。
製作過程大約十幾分鐘，但係店員非常細心，每個步驟都同我地講解，而且每樣食物都話俾我地聽係乜，加上食物質素本身非常之高。初時都以為剩係得gimmick，野食應該普通，但完全超出想像。就算一粒咁簡單既柑橘啫喱，味道非常新鮮，每樣食材亦都好突顯到原材料既味道，絕對值得一讚！
估唔到食甜品都食到捧住個肚。最後我地一人叫多杯野飲，男朋友叫左uncertain，今日係洛神花茶，正好俾佢解下濟。我就叫左杯iced orange chocolate，朱古力濃度非常高，食完甜品畫再飲呢杯飲品，今晚我真係好滿足啦。
张贴
