影片
更多
2015-05-19
571 浏览
輕輕鬆鬆又放工，緊係要食埋個早餐先返屋企喇。琴日食完麥記晤想再食，今日一於就試下KFC早餐先。入到去就聞到陣晤開胃既油溢味仲要幾大陣，算數啦，肚餓都要食野，喊左個C2餐(晤記得左中文名叫咩)，有薯餅，腸仔，番茄通粉，炒蛋加杯熱飲(我要熱奶茶)。唉點都要講個兜先，佢真係好好好核突同樣衰，每個格仔邊緣嗰啲懶係去油既坑紋完全破壞左早餐既風格(呢啲兜晤係大陸火車中午/夜晚便當先用架咩?起碼佢地都會用啲飯菜遮住啲邊邊。)睇上去有啲寒酸(我明我明，比$26.5食個早餐都有少少寒酸，不過的確有其他餐廳比KFC做得更加好喎)好啦，食早餐。薯餅比麥記大塊，薯仔味都比較濃，不過有少少炸過龍，口感偏硬，食落幾油膩。炒蛋晤鞋，係標準美國蛋味(嘿嘿你懂的)，不過食得到落過奶(麥記炒蛋無奶味)，可惜都係煮過頭，有啲嘥左奶既功用。腸仔呢就係司華力腸味，size就係司華力腸既1/5，無燶無爛，過關啦!番茄通粉既湯底尚可，茄膏味重，實有味精。通粉偏霖，硬少少就好食好多。奶茶都係美式快餐店質素，茶味勁淡，奶味普通，即沖飲品，同佢一樣~!值得一讚既就係，速度幾快，岩岩落單就有得食(利申鋪頭坐滿超過一半+有人排隊)
入到去就聞到陣晤開胃既油溢味仲要幾大陣，算數啦，肚餓都要食野，喊左個C2餐(晤記得左中文名叫咩)，有薯餅，腸仔，番茄通粉，炒蛋加杯熱飲(我要熱奶茶)。唉點都要講個兜先，佢真係好好好核突同樣衰，每個格仔邊緣嗰啲懶係去油既坑紋完全破壞左早餐既風格(呢啲兜晤係大陸火車中午/夜晚便當先用架咩?起碼佢地都會用啲飯菜遮住啲邊邊。)睇上去有啲寒酸(我明我明，比$26.5食個早餐都有少少寒酸，不過的確有其他餐廳比KFC做得更加好喎)
好啦，食早餐。薯餅比麥記大塊，薯仔味都比較濃，不過有少少炸過龍，口感偏硬，食落幾油膩。炒蛋晤鞋，係標準美國蛋味(嘿嘿你懂的)，不過食得到落過奶(麥記炒蛋無奶味)，可惜都係煮過頭，有啲嘥左奶既功用。腸仔呢就係司華力腸味，size就係司華力腸既1/5，無燶無爛，過關啦!番茄通粉既湯底尚可，茄膏味重，實有味精。通粉偏霖，硬少少就好食好多。奶茶都係美式快餐店質素，茶味勁淡，奶味普通，即沖飲品，同佢一樣~!
值得一讚既就係，速度幾快，岩岩落單就有得食(利申鋪頭坐滿超過一半+有人排隊)
张贴
