影片
更多
2022-08-15
21 浏览
成日食港式串燒，有啲悶，我同朋友今日特別啲，食精緻啲嘅日式串燒。呢間日式串燒好好，有串燒套餐選擇，等我呢啲有選擇困難症嘅人淨係飛起唔鍾意食嗰啲就得啦。而且套餐仲送麒麟啤酒一杯，又或者由師傅幫調杯特飲。朋友飲啤酒，我就飲杯特飲味道清新，酸酸甜甜，有班蘭葉，青檸，無論味覺或視覺上都已經好fresh。師傅每日都會預備幾款唔同嘅餐前小食，師傅隨機咁樣送到客人面前，當日食乜嘢餐前小食就睇師傅嘅選擇啦。今日我地餐前小食有特製雞腎絲同埋蓮藕片。師父將啲雞腎醃得好入味，雞腎好有咬口，蓮藕片夠曬脆，送酒一流。師傅上菜嘅順序都好有心機鋪排，首先佢會係我哋選擇嘅蔬菜裡面上咗一啲口味比較清淡嘅蔬菜先嘅。首先上口味清甜嘅蔬菜：鹽/汁日本青椒仔，牛油燒日本迷你蕃薯，冬菇，茄子，雞軟骨，雞髀菇。呢幾款蔬菜本身就好新鮮，經過師傅嘅燒烤之後本身嘅甜味就更加明顯。第二輪呢就上一啲口味比較濃少少嘅蔬菜同埋肉類：免治雞肉棒（付玉子）,餃子雞翼，日本黑豚串茄卷，洋蔥，秋葵，大啡菇，日本牛油燒南瓜。呢度要特別推介大家要食免治雞肉棒，雞肉混合埋少少雞軟骨，咬落去脆脆地，表面有燒得焦焦地，口感層次好豐富，再配埋玉子，成個感覺係好cr
呢間日式串燒好好，有串燒套餐選擇，等我呢啲有選擇困難症嘅人淨係飛起唔鍾意食嗰啲就得啦。而且套餐仲送麒麟啤酒一杯，又或者由師傅幫調杯特飲。
朋友飲啤酒，我就飲杯特飲味道清新，酸酸甜甜，有班蘭葉，青檸，無論味覺或視覺上都已經好fresh。
師傅每日都會預備幾款唔同嘅餐前小食，師傅隨機咁樣送到客人面前，當日食乜嘢餐前小食就睇師傅嘅選擇啦。
今日我地餐前小食有特製雞腎絲同埋蓮藕片。師父將啲雞腎醃得好入味，雞腎好有咬口，蓮藕片夠曬脆，送酒一流。
師傅上菜嘅順序都好有心機鋪排，首先佢會係我哋選擇嘅蔬菜裡面上咗一啲口味比較清淡嘅蔬菜先嘅。
首先上口味清甜嘅蔬菜：鹽/汁日本青椒仔，牛油燒日本迷你蕃薯，冬菇，茄子，雞軟骨，雞髀菇。呢幾款蔬菜本身就好新鮮，經過師傅嘅燒烤之後本身嘅甜味就更加明顯。
第二輪呢就上一啲口味比較濃少少嘅蔬菜同埋肉類：免治雞肉棒（付玉子）,餃子雞翼，日本黑豚串茄卷，洋蔥，秋葵，大啡菇，日本牛油燒南瓜。
呢度要特別推介大家要食免治雞肉棒，雞肉混合埋少少雞軟骨，咬落去脆脆地，表面有燒得焦焦地，口感層次好豐富，再配埋玉子，成個感覺係好creamy。
黑豚肉卷住蕃茄仔，豬肉嘅油香加埋蕃茄嘅甜酸感覺好特別，忍唔住要食多幾粒。👍👍👍
餃子雞翼啖啖肉yummy yummy😋😋😋食肉獸不能放過。
食完呢一輪肉類之後，再食啲洋蔥，秋葵，大啡菇，成個感覺冇咁油膩。
最後師傅會上一啲比較爽口嘅食物：大蔥, 鱈魚干，日本黑豚五花腩。
我自己先食黑豚五花腩，而佢嘅日本黑豚五花腩燒得好好食，基本上咁靚嘅五花腩係唔需要過多嘅調味，師傅只係落咗幾粒鹽已經將成個肉味提升咗。我就將個五花腩再點埋個玉子汁一齊食，味道層次再豐富啲。
大蔥清甜又有蔥香，係口入面混合左腩肉嘅油香更加惹味。
最後，以脆卜卜嘅鱈魚干作為呢餐嘅完結，完美！
张贴
