大眾燒肉酒場 X 陀地燒 (已結業)

聖誕節同老公兩個想二人世界食燒肉，呢間燒肉店啱哂我地，每個item細細碟，價錢平，就算得兩個人，都可以試好多唔同嘅款式。牛肉類別已經有10個部位，14個選擇，價錢由$28-$98都有。Menu上仲有圖案顯示每款牛嘅相應部位，幾貼心。上菜時店員亦細心幫忙介紹，並提醒可以先燒牛，後燒豬，以免搶火，容易燒燶。除咗牛嘅選項，仲有豬/雞，每碟$28，好抵食，真係叫多幾款都唔肉痛。另外仲有沙律、野菜、小食同丼，食物種類都幾足夠。🐮薄切牛舌$28🐮厚切牛舌芯$48🐮黑毛和牛小排$78🐮鹽葱火炙和牛$88🐮和牛沙巴當$98我地叫哂兩款牛舌，薄切牛舌口感比較爽彈；厚切牛舌芯比較軟腍，又不失彈性，各有特色。和牛小排牛味濃；和牛沙巴當油脂豐富，入口嫩滑；鹽葱和牛係4片和牛配一碗鹽葱，非常惹味！🐷西班牙黑毛豬$28🐷味噌五花$28🐥柚子雞肉$28黑毛豬肥瘦相間，有油香又有肉香；味噌五花嘅味噌醬好多，好入味，但唔會過鹹！柚子雞肉清新，估唔到幾有驚喜！🐷豬油叉燒丼$38豬油的確有種獨特誘人嘅香氣，叉燒丼同豬油分開上，待豬油燒滾先淋上叉燒丼飯，油氣馬上四散🤤叉燒好正，帶有少少燶邊脆口，肉質半肥瘦，配埋京蔥芫荽撈飯，