麵麵 (已結業)

話說朋友有好介紹，話有間魚麵既餐廳好正！我話「魚麵係啲潮州粉麵檔都有得食啦，有咩出奇姐？」佢話「唔止魚麵，仲有魚烏冬架！」就呢個魚烏冬就吸引左對間餐廳我既好奇啦。不過疫情關係，我地要買走番屋企食啦！去買外賣個時都留意到，呢間餐廳環境都唔差，裝修得都幾靚！極上蟹匠拌魚烏冬我叫個個拌魚烏冬個價錢雖然唔算平，而且份量都唔算多，不過就好足料，有蟹膏、蟹籽、蟹肉，好有誠意。第一次食既魚烏冬幾特別，比食開既烏冬幼身一啲但好有咬口，推薦大家一定要試下！極尚魚宴料理呢道菜我就叫左魚麵試下，魚麵非常爽口彈牙，食落好似食緊麵型魚蛋咁，個口感好特別，再加埋花膠濃魚湯，湯飲落好順喉舒服，唯一美中不足既係因為外賣限制，所以湯既份量唔算太多，如果可以再加多d就更加perfect。另外，呢道菜既餸都係重點之一，魚皮菜肉餃子外皮係魚皮餃外皮, 但係內餡係韮菜加豬肉，感覺就係大舊版既魚皮餃咁，食落去好過癮，而春卷都製作得好用心，分墨魚同魚肉春卷，食落去墨魚同魚肉味都好出，而魚蛋同蝦都好彈牙新鮮，整體而言外賣質素算係幾好。