HAND3AG (K11購物藝術館) (已結業)

今晚黎到k11，試左呢間特式三文治，食完真係忍唔住打返篇食評讚一讚佢。蝦兵蟹將鐵板三文治 ＄62最好味係呢個，佢既炸軟壳蟹好香，配搭埋佢既酸菜絲，超級健康同開胃，唔會覺得太酸或太甜，好好味。慢條斯理食肉獸鐵板三文治 ＄62呢個好好食，好多肉，可以充份補充蛋白質，調味亦岩我口味，少少甜甜酸酸咁。3日3夜自家手切薯條 L size $49另加左7蚊要松露蛋黃醬，之前睇左食評話呢個醬必加，果然冇錯，我更愛將呢個醬加茄汁一齊點，更加出色。凍既既玫瑰鮮奶 ＄42有好多玫瑰點，玫瑰味好香，溝落鮮奶到甜甜地好岩女士飲。特別要讚，店家有一部洗手機比大家用，知到食三文治要洗手，好貼心。