影片
更多
2011-07-14
30 浏览
上星期有位Auntie帶左表弟去HC Cafe做義工。表弟話食物唔錯，而且可以幫倒人，所以就約埋一齊去食lunch。環境：顏色鮮艷，樓面又高既HC Cafe好夠光猛。真係估唔倒太原街有間地方咁闊落既餐廳，而且比附近既茶餐廳更加乾淨企理。好彩我地未到一點就到，因為全店差不多滿座（30-40個位）。雖然坐滿人，不過一Ｄ都唔算逼，只係冇乜地方比大家放袋或書包。服務：據說，所有喺度工作既都係義工同智障人士。「匡智會」（HC = Hong Chi）其實係為左提供一個就業機會比Ｄ智障人士而開設HC Cafe既，希望值此可以慢慢融入同適應社會，漸漸地變得更加獨立。小弟冇能力去捐一大筆善款，不過絕對可以用行動（i.e. 食午餐）黎支持個會。值得一讚既係每一個人都溫文有禮，服務態度好過出面好多地方，反而係有乜幾個食客就不甚友善啦。見我地坐左好耐，食物又未到，有位姐姐重走過黎了解情況，小弟覺得好專業囉。味道：黎HC Cafe食野，大家要先去counter落單比錢攞牌，然後揀位坐，等食物到。為簡化程序，建議大家用八達通付款。每日既午市套餐都唔同，全部都係$48；中餐得一款，西餐就有兩款比大家揀。套餐包左例湯
環境：
顏色鮮艷，樓面又高既HC Cafe好夠光猛。真係估唔倒太原街有間地方咁闊落既餐廳，而且比附近既茶餐廳更加乾淨企理。好彩我地未到一點就到，因為全店差不多滿座（30-40個位）。雖然坐滿人，不過一Ｄ都唔算逼，只係冇乜地方比大家放袋或書包。服務：
據說，所有喺度工作既都係義工同智障人士。「匡智會」（HC = Hong Chi）其實係為左提供一個就業機會比Ｄ智障人士而開設HC Cafe既，希望值此可以慢慢融入同適應社會，漸漸地變得更加獨立。小弟冇能力去捐一大筆善款，不過絕對可以用行動（i.e. 食午餐）黎支持個會。
值得一讚既係每一個人都溫文有禮，服務態度好過出面好多地方，反而係有乜幾個食客就不甚友善啦。見我地坐左好耐，食物又未到，有位姐姐重走過黎了解情況，小弟覺得好專業囉。
味道：
黎HC Cafe食野，大家要先去counter落單比錢攞牌，然後揀位坐，等食物到。為簡化程序，建議大家用八達通付款。
每日既午市套餐都唔同，全部都係$48；中餐得一款，西餐就有兩款比大家揀。套餐包左例湯，沙律，主菜，同餐茶。涷飲同Cappuccino要加$2；果汁加$6；外賣加$2。我同表弟一人試左個西餐+涷檸茶：
暖暖既羅宋湯味道調教得好好，一Ｄ都唔會咸，而且稀杰適中。
有機蔬菜做既沙律好翠綠，又爽脆，沙律醬既份量亦剛剛好。
西餐一之海鮮酥盒配意粉味道還好，只係唔夠汁，同埋個酥盒皮韌左少少。
廚師推介既鮮茄香草牛仔腸意粉好食過海鮮酥餅好多，牛仔腸好嫩，個汁都係可以多返少少。後記：
1) 當日大概1:30pm所有套餐都賣哂，所以要幫襯就早Ｄ去着數Ｄ。
2) $48一個餐聽落好似貴左Ｄ，不過其實諗深一層，HC Cafe內所用既全部都係新鮮有機蔬菜，所以都算抵。
3) 收銀處旁擺放左好多餅乾同檸檬蛋糕，都係匡智會會員自己造既，包裝好靚架，大家不妨支持下。
4) 除左午餐，HC Cafe都有做早餐同下午茶，更歡迎外賣！
张贴
