影片
更多
2008-07-08
44 浏览
朋友組織星期日行山團兼去索罟灣食餐海鮮, 呢間朋友食過話好, 今次佢發辨, 都係黎返呢間食。點知落大雨, 行山取消左, 得返6個為食貓入去開飯!去到先黎揀靚海鮮, 佢地家庭式經營, 個個都好 nice, 我地指明要游水海魚, 唔要養魚, 呀大家姐就介紹我地要左條靚瓜子斑, 都差不多斤幾兩斤重架。之後又秤左海蝦, 龍蝦, 賴尿蝦, 貴妃蚌同埋兩桶XXL size 既桶蠔。另外叫左個例牌既椒鹽鮮魷。海蝦就咁白焯, ok啦, 大家姐都好老實, 休漁期, 都係得養殖蝦, 呢個白焯蝦就零難度, 新鮮+焯到 just right 就得~再黎上招牌牛油焗龍蝦(2隻), d配料洋蔥牛油味好香, 同時龍蝦殼炸鬼好香脆, 我連殼都食埋, 朋友都笑我"點解你隻碟無乜殼既?" 呢碟最後係照哂鏡, 因為連d洋蔥都食哂, 好味!!跟住條瓜子斑就上枱喇, 大家姐都話佢既肉質比較爽口, 幾特別, 一試之下果然係, 雖然食落唔太滑, 但我就覺得幾好, 個 texture 好有質感, 同時魚味濃郁, 呢點係養殖魚一定無可能有。佢地係蒸到岩岩好, 魚肉係爽而不鞋, 連魚汁真係可以連吞白飯三大碗架!!兩桶桶蠔就兩種煮法,
去到先黎揀靚海鮮, 佢地家庭式經營, 個個都好 nice, 我地指明要游水海魚, 唔要養魚, 呀大家姐就介紹我地要左條靚瓜子斑, 都差不多斤幾兩斤重架。之後又秤左海蝦, 龍蝦, 賴尿蝦, 貴妃蚌同埋兩桶XXL size 既桶蠔。另外叫左個例牌既椒鹽鮮魷。
海蝦就咁白焯, ok啦, 大家姐都好老實, 休漁期, 都係得養殖蝦, 呢個白焯蝦就零難度, 新鮮+焯到 just right 就得~
再黎上招牌牛油焗龍蝦(2隻), d配料洋蔥牛油味好香, 同時龍蝦殼炸鬼好香脆, 我連殼都食埋, 朋友都笑我"點解你隻碟無乜殼既?" 呢碟最後係照哂鏡, 因為連d洋蔥都食哂, 好味!!
跟住條瓜子斑就上枱喇, 大家姐都話佢既肉質比較爽口, 幾特別, 一試之下果然係, 雖然食落唔太滑, 但我就覺得幾好, 個 texture 好有質感, 同時魚味濃郁, 呢點係養殖魚一定無可能有。佢地係蒸到岩岩好, 魚肉係爽而不鞋, 連魚汁真係可以連吞白飯三大碗架!!
兩桶桶蠔就兩種煮法, 一個係砵酒焗, 一個係酥炸。砵酒焗我就覺得麻麻, d味道同d蠔唔多夾, 好怪!! 酥炸就 very good, 真正做到外脆內 juicy, 粉漿都唔會過厚!
貴妃蚌用蒜茸粉絲蒸, 一人一隻, 鮮甜到不得了, 一啖就食哂 lu~~
再上例牌椒鹽鮮魷, 佢地既調味比較特別, 唔係單純既椒鹽, 原來個脆漿仲落左少少咖哩粉吊味, 香香脆脆, 最岩送啤酒啦!!
最後就係賴尿蝦, 要左3隻 only, 不過每隻都有8-9吋長架!! 呢個我地揀左避風塘煮法, 但係基於本人一向唔多食賴尿蝦既關係(覺得好似蟲), 所以係咁椅食左一細舊, d 朋友就話ok, 係無"米"(膏)囉, 大家姐話要睇季節, 岩季節都要特別揀過, 可遇不可求架。
食到100%飽哂, 仲有人嗌牙痕要整多碟大蜆來食!! 上枱時眾人一見到就打個突, 咦? 乜又係白烚咁清既? 大家姐話係唔係, 係原汁原味清蒸, 一試, 真係從來未食過咁好味既蜆!! d蜆本身已有海水咸味, 所以乜野醬都唔需要, 就咁食佢天然既鮮美味道!! 大家姐話d蜆拎返黎之後放養3-4日等佢吐盡哂d沙泥先奉客, 難怪食咁多隻一粒砂都無啦, 大家一隻接一隻, 2分鐘內已經一掃光!!
正所謂"欲食海上鮮, 莫惜腰間錢", 果D平價套餐, 計落可能先百幾蚊一位, 一定係將貨就價,邊有可能食到好野呢? 山長水遠入去$300幾蚊食餐飯, 老實講, 我肉赤架!! 不過食到好野, 又食得開心, 仲有好朋友一齊, 人生幾何呢? 最後酒酣飯飽歸家去, 滿足也!!
张贴