正宗水上人蒸氣鍋專門店 (已結業)

潮流興食蒸氣火鍋，貪佢嘅做法夠健康。但係市面上選擇咁多，要搵一間具質素嘅確實唔容易。呢一晚同朋友去到呢間水上人蒸氣火銅，試試係唔係真係有真功夫。一到步就見到大大個魚池，海鮮種類之多，養住咁多生猛海鮮，新鮮程度必定攞高份。同朋友決定個套餐，試盡各款優質美食。先黎花甲皇同埋胭脂蚌，兩款份量都非常之多。在蒸氣銅蒸大概4分鐘後，即時食得。兩者肉質彈牙，味道都極之濃郁鮮美，基本上唔需要點任何醬汁，亦食得出佢原有嘅鮮味。黃金汁紐西蘭蟶子皇相當有特色，蟶子肉質煙韌，跟特質嘅黃金醬非常配合。貴妃蚌肉厚兼飽滿，味道鮮甜，而金菇亦沾上貴妃蚌嘅鮮味，證明選材的確新鮮。黑松露大元貝皇，黑松露嘅矜貴，並非只得虛名，絕對帶出陣陣濃郁嘅香味。 元貝皇厚身，預先分半去蒸，令大家每口都食到啖啖肉。美國珍寶石蠔份量亦同樣肉厚飽滿。新鮮當然不在話下，同時亦充滿著肉汁，簡單的清蒸亦不失美味。南非龍蝦都係套餐包括之列。肉身結實而啖啖肉，已經令人非常滿足。一人食到半邊份量大嘅龍蝦肉，雖然要花啲心機拆肉，但都係值得!雪花和牛，快蒸一分鐘，已經有入口即融嘅感覺，整體鬆化無筋，牛嫩肉香，質素相當高!最後係品嚐豬骨粥嘅時間。呢鍋粥吸收左