更多
2015-08-24
1661 浏览
曾幾何時 去西環尾嘅目的就係去德記同新中華食飯 逄假期德記到而家依然客似雲來 另一間老字號新中華 之前因為折樓重建 以為從此封刀 後尾唔係好記得上年定前年以新中華海寶漁港之名重新營業(除咗個名 其實我真係唔知道同以前間新中華有任何關係) 之前同朋友去過一次晚飯 冇特別又唔精彩 之後冇再去 今次又係朋友要求要飲中式茶同可以坐耐D 咁附近除咗新中華就別無其他選擇嘞 剔咗D大路嘢 蝦餃燒賣叉燒腸 見張點心紙有好食推介 點咗個千層腐皮夾 嚟多個鮑魚雞球大包 蒸粉果同蛋散 結果Okay反正下次唔會再嚟 算嘞 埋單走人 點知…
题外话/补充资料:
張單要拎出櫃面埋 去到前面有位太太簽緊酒樓自己出果張單 之後個收銀姐姐又俾咗張信用咭收據佢簽 個太太問咗句:乜要簽兩次嫁咩? 個收銀跟住講:你未簽過咭呀? 個太太就話:我係外國返嚟冇耐 外面都唔駛簽完又簽 我聽到已經有D唔滿意 心諗駛唔駛咁嘅態度呀阿姐 不過唔關我事 算了吧… 之後個太太又問:簽邊度呀? 個收銀好似覺得佢阻住個地球轉咁 好晦氣咁講:咪下面囉!我見個太太望住張收據揾緊係邊度 我就指俾佢睇簽邊處 重同佢講如果要俾貼士要點寫 唔俾就係個總數度劃一劃 正當個太太消化緊我講D嘢嘅時候 個收銀二話不說企起身 就咁搶咗太太手中之筆 跟住係張信用咭收據度劃咗一下 我當堂著燈 好大聲同個收銀講 你有冇攪錯 咁冇禮貌係人哋手中搶走之筆再加簽?你究竟係乜嘢態度呀 佢答我:我都冇出過聲 我跟住同佢講:你駛乜出聲 你D態度已經說明咗你好冇禮貌 我重講:我排係個太太後面都唔嫌佢慢 你有乜資格嫌棄 何況老人家手腳慢D犯法嫁? 最後個經理見到咁同我講對唔住 而果位收銀姐姐就半點歉意都冇 真係唔知個阿姐個腦裝乜?
唉 奉勸句 做得唔開心咪咪做law 你唔開心時又攪到其他人唔開心 何必呢 不過如果間嘢係你嘅咁又唔同
(以上食记乃用户个人意见 , 并不代表OpenRice之观点。)
张贴