彤 (已結業)

今次朋友帶我黎尖沙咀既彤食廚師發辨，晚市有兩個set選擇，質素好好，滿分呀！笛鯛魚加上北海道帆立貝配馬糞海膽💖兩款都係刺身，笛鯛魚肉質肥碩，鮮甜無比，帆立貝好厚身，咬落軟腍腍，好綿，海膽鮮甜甘香，全部都好好食，食壽司前食就岩晒！日本花咲蟹🦀花咲蟹集合鱈場蟹肉的結實飽滿、松葉蟹的鮮嫩多汁和毛蟹的豐滿蟹膏於一身，再加上酸甜既土佐啫喱，味道十分有層次，超級好食！子持鮎魚🐠燒魚係原條咁上枱，魚燒到表面微焦，入面就激多魚春，鹽燒好香，魚肉a嫩，好出色！大拖羅壽司🍣壽司飯係有調味，微酸微咸，重點大拖羅入口即溶，油脂分布平均，食完成口魚油，好正！成晚既每一樣食物都好出色好好！