興致勃勃話有好介紹～
於是乎就帶我地上左去呢間泰國餐廳～
餐廳非常隱閉～位置大廈Ｏ既樓上鋪～
所以需要禁門鐘等人開門先上到去～
入到去都幾多人～而且個格調好有泰國特色～
黑黑地～電視亦KEEP住播放泰國台～
環境都幾舒適～～～
我地３個人叫左３個菜～
大蝦柚子沙律
酸酸甜甜～真係好開胃～好fresh~
由其係佢d汁~好開胃~
我同d朋友都讚口不絕~!
沙嗲串燒~
我地揀左豬~牛~雞各兩串~
沙嗲醬沙嗲味雖然唔算好強烈~
但勝在所有肉o既肉質都好夠淋~
本身味道亦夠~~~
不俗的選擇~!
干炒雞肉河
本來叫左粉皮~點知送上o既時候只係見到d河粉~
非常失望~一問d waiter~佢地話已經賣晒...
無可奈何地我地都照要左....
幸好味道亦不俗~雖略為多油~
但亦吃得出夠火喉~夠入味~
的確係粉皮以外不錯的選擇~
店舖有加一服務費~
3個人除開埋單每人50多~
50多食足如此質素同格調~!值得~!
有機會會再來的~!!!!
順帶一提~
這裡的toilet衛生環境係above average的~
加分~!
