A Tavola Bar & Grill (已結業)

今次去左屋企附近嘅餐廳食，想好好咁同朋友傾下計～所以搵左呢間坐得舒服嘅，慢慢食下野。餐廳旁邊介要有個海濱公園，食飽又可以行下散下心～餐廳開喺呢個位都真係幾有優勢^_^肉醬千層麵肉醬夠多唔會太乾～都算濕潤。甜酸度個人覺得都適中唔會太酸，好驚有啲餐廳會整到好酸，但呢間唔會，整得個味就都幾好！Mardi Gras呢個pizza 嘅配搭係我之前都未食過嘅，但又好喜出望外咁好食！餡料有薯仔、雞肉、菠菜、酸忌廉同泰國甜酸醬，聽落平平冇奇，食落又真係估唔到咁夾！！！首先食到甜酸醬甜甜辣辣嘅惹味，再有酸忌廉嘅軟滑，加上薯仔同餅底嘅煙韌口感～真心推薦！