影片
更多
2018-04-30
60 浏览
今日，我同朋友去左炮台山一帶行，經過錦平中心，見到一間餐廳叫Helfit Lifestyle Club，主打健康題材，覺得相當新鮮，於是上左去試下。雖然差不多兩點了，但餐廳裏依然爆滿。環境整體黎講舒適，四圍十分整齊且寬敞，坐落相當舒服。睇睇個menu先，嘩呢到嘅menu十分得意！除左名同價錢之外，更有該款食物嘅卡路里同益處，真係長知識了！我地叫左兩份午餐，一份杏仁芝士磨菇漢堡配薯條同一份香煎牛脷配紅米飯。再加二十蚊，更有埋面包，餐湯同沙律，梗係要試埋。最先黎到嘅係面包，包身已經調味，十分香口，大家可以試下唔落牛油。而餐湯係磨菇忌廉湯，十分香濃入味，超級推薦。而沙律則是帆立貝裙邊配昆布，冇落沙律醬，超級健康。但沙律菜就帶有澀味，食開甜嘅朋友未必接受到。再黎就係主菜了，先講講個漢堡。漢堡內有芝士同磨菇，流著櫻桃色嘅秘方製醬汁，咬落更見到一顆顆紅豆。呢個組合真係好新鮮，味道亦相當特別，十分推薦。而牛脷紅米飯亦頗出眾，牛脷經過烹調之後十分軟熟，入口即溶，配埋健康嘅紅米飯，真係令我好驚喜！食飽飽埋單，三百蚊有找，平均一位140蚊，唔算太貴。隨餐附送飲品，我地叫左一杯凍奶茶同一杯凍檸茶。而糖漿係自
雖然差不多兩點了，但餐廳裏依然爆滿。環境整體黎講舒適，四圍十分整齊且寬敞，坐落相當舒服。
睇睇個menu先，嘩呢到嘅menu十分得意！除左名同價錢之外，更有該款食物嘅卡路里同益處，真係長知識了！
我地叫左兩份午餐，一份杏仁芝士磨菇漢堡配薯條同一份香煎牛脷配紅米飯。
再加二十蚊，更有埋面包，餐湯同沙律，梗係要試埋。
最先黎到嘅係面包，包身已經調味，十分香口，大家可以試下唔落牛油。
而餐湯係磨菇忌廉湯，十分香濃入味，超級推薦。而沙律則是帆立貝裙邊配昆布，冇落沙律醬，超級健康。但沙律菜就帶有澀味，食開甜嘅朋友未必接受到。
再黎就係主菜了，先講講個漢堡。漢堡內有芝士同磨菇，流著櫻桃色嘅秘方製醬汁，咬落更見到一顆顆紅豆。呢個組合真係好新鮮，味道亦相當特別，十分推薦。
而牛脷紅米飯亦頗出眾，牛脷經過烹調之後十分軟熟，入口即溶，配埋健康嘅紅米飯，真係令我好驚喜！
食飽飽埋單，三百蚊有找，平均一位140蚊，唔算太貴。
隨餐附送飲品，我地叫左一杯凍奶茶同一杯凍檸茶。
而糖漿係自己落嘅，所以自己嘅健康掌握係自己手上啦。
如果大家行過呢頭，又想食得健康，不妨光臨下Helfit Lifestyle Club。一定會令你喜出望外！
张贴
