Dazzling Cafe (The ONE) (已結業)

其實真心食左好多次Dazzling cafe! 喺香港同台灣都食過，真心覺得係好味既，亦都好推薦。今日喺the one 睇完戲，又可以去食。今日星期日都唔洗等位，即刻有位坐。不過每人一定要叫一杯飲品，限時90分鐘。我地叫左明太子義大利麵，earl grey雪糕珍珠鬆餅，玫瑰花茶同熱朱古力。明太子義大利麵係我每次都會叫既，真係好好味，意粉軟硬適中，奶油味比較重，唔會太鹹，配合埋啲紫菜真心好食。佢其他意粉都好味既，但要我揀一個我一定會揀呢個！！Dazzling cafe既甜品一向都係好味，今次見佢推出左新既珍珠鬆餅就想試下啦。鬆餅配上earl grey雪糕，加左十幾粒珍珠，其實講真無乜特別，其實原味，士多啤梨味仲好味！佢個鬆餅外面香脆，裏面就加左麻薯，好有咬口。第一次去既朋友都係揀返正常既就得架啦。佢啲飲品都幾特別架，我最鐘意飲佢杯mocha！有興趣就去試試啦。