影片
更多
2003-05-21
2 浏览
早排屈個friend請食飯, 諗住去魚一丁可以斬到佢一頸血, 點知失敗左!!0個晚我地一行4人大約晚上7點幾去到, 條隊都幾長. 之前打過去訂位, 但係full左!!不過等左一陣就有位, 都算幾快!!入座後, 想搵個侍應都有d難, 可能我地坐0係個死角位. 雖然係咁, 但係d service都唔太差!!我地4個人叫左一個刺身拼盆, 有9款刺身, 樣樣都好新鮮, 好大件. 有一款係蟹膏, 好鮮甜, 一d都唔腥, 幾特別!! 一丁撈麵沙律, 呢個好得呀. 不過我都唔知0個d係丁麵定係拉麵, 但就好好食, 個sauce好好味. 有d似麻醬. 正!!什錦天婦羅, 一d都唔乾, 好味, 唔太油! 魷魚餅好好食, 唔腥. 不過多左d油呀!! 大蟹腳, 勁呀!! 好多肉, 好鮮!! 但係佢提供0既拑唔係咁得, 都拑唔開. 唯有用個口幫下, 幾乎連d牙都送埋亞一丁!! 最後就係牛肉火鍋, 牛肉份量都ok, 每人都有2-3塊. 個鍋仲有好多菜呀, 豆腐, 芋絲同埋大蔥. 非常足料!! 佢d大蔥我就唔多欣賞. (我唔like蔥)4個人食到飽飽. 如埋單都係$700多d, 好鬼抵. 我個friend比$$$
0個晚我地一行4人大約晚上7點幾去到, 條隊都幾長. 之前打過去訂位, 但係full左!!不過等左一陣就有位, 都算幾快!!
入座後, 想搵個侍應都有d難, 可能我地坐0係個死角位. 雖然係咁, 但係d service都唔太差!!
我地4個人叫左一個刺身拼盆, 有9款刺身, 樣樣都好新鮮, 好大件. 有一款係蟹膏, 好鮮甜, 一d都唔腥, 幾特別!! 一丁撈麵沙律, 呢個好得呀. 不過我都唔知0個d係丁麵定係拉麵, 但就好好食, 個sauce好好味. 有d似麻醬. 正!!什錦天婦羅, 一d都唔乾, 好味, 唔太油! 魷魚餅好好食, 唔腥. 不過多左d油呀!! 大蟹腳, 勁呀!! 好多肉, 好鮮!! 但係佢提供0既拑唔係咁得, 都拑唔開. 唯有用個口幫下, 幾乎連d牙都送埋亞一丁!! 最後就係牛肉火鍋, 牛肉份量都ok, 每人都有2-3塊. 個鍋仲有好多菜呀, 豆腐, 芋絲同埋大蔥. 非常足料!! 佢d大蔥我就唔多欣賞. (我唔like蔥)
4個人食到飽飽. 如埋單都係$700多d, 好鬼抵. 我個friend比$$$比得好開心添!!!
张贴