西香記 (已結業)

原本想食魚生飯，見凍凍地，就唸住食d熱野辣野。路過呢間陝西野好多次，就俾次機會試試。外面貼了些雜誌訪問，大大張相有碗撈麵幾吸引，但又想試那個夾饃，又怕太飽，一於先點麵，好食再點。一入去整個感覺似返左大陸，反而立即欣喜，因為覺得風味會很地道。豈料店員態度更地道，感覺完全進入大陸境界，見佢同之前個客用極流利普通話交流，到我點菜時，錯口先講普通話，佢眼尾都唔理我，才尷尷尬尬用返母語廣東話，係自己地頭點菜都情感混亂，自己都笑住覺莫名其妙！點了個手工油撥麵，佢問我要野飲嗎，又唔講係唔係套餐、加野飲點計，我點了檸檬茶，外省野通常味道較濃。店面細，算間得唔錯，方方正正。搵左個位坐低，張枱未擦乾淨囉！餐到，出去攞，原來檸檬茶係罐裝，我唔飲汽水的，唸起個黑面收銀員也費事換豆漿了。已經排滿好多北方大陸人點餐，想必是思鄉掛，放下餐盆又再欣喜，應該很好味。麵用沙鍋載，幾大碗，麵面上配菜都OK，唯有紅蘿蔔絲顏色異常鮮紅。肉粒味道直頭同五香肉丁罐頭好似，不過再油d！鍋底擦了點油，可能方便撈起，但麵條還是黐得好實，根本撈唔起。算，唔撈，就咁食！一口咬落條好似頸巾咁長的麵條度，口感就係豆沙鍋餅的味道，但更加油膩更厚更