五月花港台日料理

9:25分黎到, 安排左座位等多幾分鐘就可以畫野食, 食9:30個轉, $139+10%, 第一次黎食.....

叫左刺身, D 赤貝好唔得, 雪到冇晒味, 不過甜蝦唔錯, 好大隻好鮮甜, 第二轉試下魷魚都幾好, 不過叫多幾轉後, 叫6件甜蝦就黎4件, 每次都自動減份量上枱!! 最後仲要三吹四請先黎.....

相反, 我叫一個人份量既熟食, 如雞腎, 菠蘿"古撈"肉, 咩人氣牛, 一口豆付, 樣樣都闊佬大大份, 就連一人份量的秋刀魚都成條上, 驚死你食唔飽....真係叫個白飯就飽晒~

最後滿心歡喜食日式雪糕, 車, 原來雪糕糯米滋......