成都老碼頭火鍋 (已結業)

今日心血來潮想去食辣嘢 於是經過塘尾道嘅呢間成都老火鍋就入去食啦 閒夜晚嚟到都十分多人 質素有保證叫咗個花膠雞配麻辣鍋？鴛鴦嘅價錢竟然比單叫花膠雞煲仲要平 十分抵食先講花膠雞鍋湯底入面已經有半隻雞 雞湯係深黃色飲落雞味濃郁而且非常濃稠 感覺上好補身 入面仲有大大嚿嘅花膠同埋素魚翅麻辣嘅湯底已經叫咗小辣 但係都十分多辣椒 麻味唔太勁醬料係自助形式 最特別係有水果任食 西瓜同埋蜜瓜都幾新鮮蒙古羊肉片 羊肉點有淡淡嘅騷味 配埋麻辣湯底簡直係絕配 食完成個人暖笠笠筷子牛肉 係牛肉條 已經預先用醃料醃過 不過令到肉質變得奇怪 個人唔係太喜歡鬼馬油炸鬼 油炸鬼上面加上墨魚滑 煮完彈牙而且油炸鬼索曬湯汁 好有咬口 口感豐富紅糖糍粑 川菜必點嘅紅糖糍粑其實係將米糕炸香 再加上糖漿 做甜品一流