影片
更多
2011-08-05
43 浏览
星期四 7:00 pm 到元朗小肥羊，可能由於是平日，而且只是兩人，所以不用等位。本來以為上左市，加上有口碑，心想這間都應該不會太差吧！雖然在5:00至9:00pm時段任食，是全晚最貴時段，但佢居然可以令到我食左一個鐘已經想走，如果有負分，我會比負分，因為食完15分鐘後，兩人已覺得肚子不太舒服，接著肚痛，第二日更加肚痾，所以我要更正，唔係免費都唔會去，應該係比埋錢我，都唔會再去law。究竟有咩野問題，詳列如下：(一) 食物方面1. 因為兩人都唔食得辣，一心以為叫個芫荽皮蛋湯底，清清地，點知個湯底一d都唔清，味道非常濃，雖然唔知佢點整，但好重味精，食完非常口渴。2. 內蒙肥牛一d牛肉味都無，其他肉類：普通滑牛、黑豚肉、小羊柳，全部醃過，而且肉質已經醃到變晒，好似BBQ 個d 醃肉咁，打邊爐wor, 使唔使醃成咁? 只是脆肉鯇比較好d ，但都唔係好新鮮。3. 蝦滑直情係變壞左，但我都食左一舊仔，可能就係因為佢所以肚痾，其他剩返個d已經唔敢再食。4. 羊排骨上枱時，已經係熟左架啦，依家打邊爐 wor，熟左煮返熱佢食做咩先，而且亦唔知佢新唔新鮮，味道一般，肉質好似亞媽煲完湯d排骨咁。5. 菇菌
(一) 食物方面
1. 因為兩人都唔食得辣，一心以為叫個芫荽皮蛋湯底，清清地，點知個湯底一d都唔清，味道非常濃，雖然唔知佢點整，但好重味精，食完非常口渴。
2. 內蒙肥牛一d牛肉味都無，其他肉類：普通滑牛、黑豚肉、小羊柳，全部醃過，而且肉質已經醃到變晒，好似BBQ 個d 醃肉咁，打邊爐wor, 使唔使醃成咁? 只是脆肉鯇比較好d ，但都唔係好新鮮。
3. 蝦滑直情係變壞左，但我都食左一舊仔，可能就係因為佢所以肚痾，其他剩返個d已經唔敢再食。
4. 羊排骨上枱時，已經係熟左架啦，依家打邊爐 wor，熟左煮返熱佢食做咩先，而且亦唔知佢新唔新鮮，味道一般，肉質好似亞媽煲完湯d排骨咁。
5. 菇菌類個樣好唔得，好似無清洗過咁。
6. 所有食物係個煲度碌完之後，都只是有湯底的味精味。
7. 另外加錢叫了一碟羊片，份量都可以，但味道好一般，而且碌完之後，碎濕濕咁，我朋友都幾鍾意食羊，都話唔好食。
8. 其他食物：青口、蝦、水魷、雲吞、蟹柳、菜，算是比較正常，普普通通咁。
9. 仲有價值$10個碟nuts，有d淋左，有d就癡住個碟，好似擺左好耐咁。
(二) 服務方面
1. 落左單，成15分鐘才來第一輪食物，而且黎d又唔黎d，唔知佢係漏左，定係根本無，有人話同我地跟下，結果到埋單，都無人交待過。
2. 由於本人對羊唔係好熟悉，咁佢地係專門店應該至少清楚過我，落單個時，想問下高級咩肉片同羔羊片有咩分別，因為驚d侍仔無咁專業，無
謂為難人地，我已經問d疑似經理人士，結果佢唔知，又要走去問第二個所謂專家。
3. 跟住，到左唔知係咩野肉片上枱(因為肥牛同羊片好似)，今次問另一個疑似知客，究竟係咩野黎架呢，結果佢話確定唔到，就話幫我地問下專家，咁人地係知客，唔知都唔怪得人，於是成碟攞去問專家，跟住同我地講係羔羊片黎，仲係至高級個種 .... 但事實係我地只是叫左普通羊片，因為驚羔羊肥。如果個碟真係羔羊，咁即又証明到佢地出菜亂，如果只係普通羊片，咁就係個專家好唔專業law ...... 講真，單憑肉眼去分係有難度，咁建議下佢地，可以用唔同顏色或者形狀的碟去分架，大大間公司上左市，無專業管理人才咩?
4. 有d 野令人睇到好唔舒服，有d疑似高級人士，對做清潔的長者就呼呼喝喝，對d年青女侍仔，就談笑風生，這只是個人觀察，未經考証，唔知人地有沒有前因後果，只是純粹記錄當時所見。
5. 於一個小時內，咁好彩比我見到一個經理，一個侍仔打呵欠，一個就執野個時，一個係走埋我地張枱個時，大佬，工作時間，仲要對住d客，會唔會係有d那個呢。
6. 大部分侍應都像未經訓練，聽見較高級的人士即場指正，工作場所呀，學堂咩，就算係都唔好係d客面前做啦，幾攪笑。
(三) 環境方面
1. 由於樓底好矮，通風又做得唔好，所以間野有d焗同好大陣味。
2. d 野擺到好亂，地下左一個箱，右一個盒咁。
3. 雪住d汽水個箱d冰融晒，d侍仔攞汽水個時滴到地下濕晒，地下只鋪磚，沒有地毯，所以變得好滑，最初不但無人抹乾，更加連小心地滑個牌都無擺，如果d客跌到整親就大件事。後來終於擺了「小心地滑」的警告牌，但都係無人抹乾個地，講真，如果整傷d員工都唔好啦，咁大間公司無人教職安健架咩。
(四) 收費方面
1. 本人都明白，依家d野係貴左好多，所以$138任食都無話嫌佢貴，但個d立雜收費就唔係幾合理：
~ 茶芥 $10 /人
~酸菜 $10/ 碟
~加一服務費
本來呢d都係食肆通常要收的，但佢個d nuts、服務咁麻麻，計過之後，發覺呢d收費佔了全數收費的20%，真係佔幾大比重，加上唔好食，所以覺得好唔抵食。
雖然後來送左$100 coupon，不過都唔打算用，送比想去食的朋友，但一定唔會推介佢地去元朗呢間。
张贴