刺身 : 甜虾, 油甘魚, 帶子鮮甜, 劍魚, 希靈魚好味. 甜虾係有頭既, 我地每人都食咗20隻.
芝麻雞亦 : 香口好食
牛脷 : 爽口, 厚度啱啱好, 厚厚地唔會好薄.
羊架 : 嫩呀, 又唔會好大件.
雞粥 : 味道唔錯, 唔會過"棉"而"泣"口.
味噌湯 : 好味, 個味道同其他放題/迴轉/日本餐廳(e.g.和民...)個D幾唔同吓, 有機會不妨一試, 不過裡面只有紫菜同豆腐.
蒜蓉虾 : 大隻, 蒜香虾爽
天婦羅 : 南瓜同番薯好甜
雪糕 : 最好食係菠蘿同紅豆, 但個日無菠蘿, 不過綠茶都好好食.
飲品 : 荔枝味個款涷飲好味, 唔會好甜.
小貼示 - 當大家坐好後就有侍應問要唔要先上一個刺身併盤, 唔洗錢架, 等大家快D有得食. 人多就應佢要, 人少就唔好要, 因為併盤即係什麼刺身都比D你, 但人少要食得精D, 所以唔好要.
- 差不多夠鐘前佢會比張大既order紙同未上既order列表你架, 咁就會知道仲有咩未到同方便剔 last order.
