幸福班戟 (已結業)

個日去利園WINE TASTING，完左之後見到門口無人排隊就諗住試下呢個日本過江龍。除左甜PANCAKE，重有鹹味可選，如三文魚等等，未食晚餐都以試下。不過當日同屋企人食完飯，所以揀左甜品。雖然話無人等緊，但係我地都等左成20分鐘先有位，可能因為我地６個人，佢地係咁入左２位客，企我後面個家人見到之後係咁問個waitress：「點解你入曬2位客，我地等一世都唔洗旨意有位啦？」之後佢先幫我地HOLD 台.　最後變左4+2分開坐餐廳設有最低消費，每人都要點一樣野，但係我地真係好飽，所以點左一份芝士慕絲雜莓PANCAKE + 排毒茶。講左咁耐都未講主角！！！入口好似棉花咁但又唔係話好似食空氣咁，加上香滑既芝士慕絲，超好味！！格離既野莓醬酸酸甜甜，岩岩中和左芝士的膩濟感。本身飽到咩都食唔落，但係食左第一啖後，就忍唔住繼續食落去！