Jan Jan 串揚專門店 (尊豪坊) (已結業)

話說之前同男朋友食過灣仔Jan Jan 串揚專門店，一試難忘，就好似將我哋帶返日本。所以自從知道尖沙咀開咗新分店之後，咁近我，就即刻急不及待嚟多次！一出lift就見到串揚嘅石頭吉祥物,好得意！都知道呢度好受歡迎，所以特地好早就嚟到，估唔到咁早就已經滿左一半枱，我哋覺得坐吧枱好有風味，所以就揀咗吧枱坐，可以一面食，一面睇佢哋製作食物，都係一個享受！呢度嘅燈光柔和，場內以木製傢俬為主，坐得幾舒服，同場有幾台都係日本人，搞到我覺得好似去咗日本嘅居酒屋。同灣仔分店一樣，等食物嘅期間，店員俾咗一啲蔬菜、串揚汁我哋，先清清腸胃。食串揚一定要配一杯冰凍嘅烏龍茶，加埋啲熱辣辣嘅串揚，真係oishii!!!!!首先我哋叫咗個牛串揚、天使の海老，放上枱已經感受到佢哋嘅熱辣辣。牛串揚外層鬆脆，牛肉非常鬆軟，大口咬落去，肉汁四濺！入口即溶嘅感覺好正！未食完已經想叫多round!非常推薦！天使の海老蝦肉嫩滑，連蝦殻都炸到薄脆，一定唔可以錯過！豬串揚而且大大嚿，好抵食，而且肉質超嫩，可以點串揚汁食，不過，我覺得就甘食已經好好味！我最鍾意食海鮮，所以叫咗個三文魚子海鮮球、北海道帶子串！呢兩款串揚入面都有粒大大嘅帶子