東大門韓國料理 (已結業)

之前經過過好多次，都未食過，今次終於說服到呀媽食韓燒！入到黎講得裝修好時尚，亦有韓國東大門特色，就係呢d牆上面既心心鎖，但唔知點解如果係香港出現，就總係有點MK感覺，仲要身在旺角一座底就緊係自助式咁出去拎左d前菜先啦！評價就係，除左d泡菜麻麻地，其他我都覺得ok的，特別係d芽菜！另解好搞笑係，韓國餐廳點解會有三文魚壽司既？？質素係ok既，d三文魚都靚，有魚油味，但係係韓國餐廳食日式壽司，就硬係覺得唔係好岩channel呢‥如果可以換做紫菜卷，應該會好d！入正題！點左十款野，但都係例拜黎唔足，例牌份量少。真係好細碟....感覺唔太值，雖然話任食姐，都可以多dd掛？味道就係....完全唔入味，好普通既肉，1d都唔覺得佢有醃製過，好淡... 仲都每一樣都好細份又要碎，拿，唔好同我講係一口呀。個人覺得韓燒係應該要大大份囉。腩肉都係薄左少少，如果係燒完，其實係會再細左薄左，所以砌個時係唔可以薄，唔係就會乾身同太脆，而無左d肉汁。整體感覺係，如果對韓燒有多少少要求的話，應該會冇下次。