魚米 (已結業)

今日放假， 度度餐廳都爆棚， 唯獨是係呢一間米線鋪， 竟然仲有唔少空位？ 其實心裏都打個突， 不過見佢話秘製魚湯米線， 唯有膽粗粗試下。舖頭算係幾乾淨， 位置都算闊落， 整體環境唔錯。揭開menu， 魚湯米線其實有好多款式， 有得揀原條魚， 散嗌叫餸又得， 轉麻辣味又得， 仲有碟頭飯tim， 選擇都算多。我嗌咗麻辣野菌豬扒米線， 麻辣湯底麻麻地， 冇乜麻辣味， 似鹹辣湯底多啲。 豬扒落得太多鬆肉粉， 伯伯婆婆冇牙都一定 趙得爛。 你玩嘢真心伏伏地。另外一碗叫咗魚湯香茅雞翼米線。 碗湯白雪雪， 飲落都真係有啲魚味， 不過味精都唔少， 飲咗幾啖湯瞬間會有啲頸渴。 香茅雞翼就普通貨色， 反正食唔到啲香茅味。至於價錢同平民化米線鋪價格差唔多， 費事喺第二間舖等位嘅唔怕喺度試一試。