呂錦記手撕雞專門店 (筲箕灣道)

营业中

休息中

偶然經過呢間舖，見到出面排晒隊，應該幾好味，而且今日唔想出街食飯，所以就叫左半隻蟲草花手撕雞、半隻原味手撕雞加餸啦。蟲草花手撕雞外面用錫紙包裝好，加埋個膠盒，所以一揭開依然感覺啲雞係熱的，蟲草花舖滿係面，雞肉吸收晒蟲草花的香氣和營養，食落去雞肉又相當嫩滑。我地幾個人都爭住食，梗係覺得食完好滋補。原味手撕雞我一向都好鍾意食，一打開已經聞到好香，啲雞調味相當適中，又香又嫩，雞有雞味。而且食完無口乾，食過其他店的雞，有時會因為過多的醬料及味精，令到我好口乾。但呢間店就真係無，用料都相當新鮮，啲手撕雞份量又相當多，所以細食的話，二人份絕對係夠三人食。