太子地鐵站一出就見到，真係好方便。裝修行工業風路線，同平時嘅日式拉麵店好大分別，幾有特色。
睇餐牌除咗拉麵，仲有好多款甜品同埋冷萃啡啡。即刻喺到諗呢間會唔會係全港最多甜品嘅拉麵店
samurai醬油拉麵2.0
湯頭清澈鮮香唔會太鹹，叉燒軟嫩，仲有兩粒雞肉丸子，拉麵都幾彈牙。
熟成雞白湯拉麵
雞湯濃郁帶有微微的泡沫，細緻綿密，都係配上一片薄叉燒、兩粒雞肉丸子同埋一粒乾蕃茄仔，乾蕃茄仔可以解膩。
+$28就有兩件炸雞，超大件，外層炸得好脆，入面超多汁，必食！
+$60就有一杯冷萃咖啡+焦糖燉蛋，好正😋
冷泡八女煎茶，味道比較清，但都幾香。
開心果巴斯克，口感香濃綿滑，開心果味好濃，配上面頭嘅乳酪忌廉及開心果碎，真係好好味👍🏻
