三家村水產 (已結業)

生日同朋友黎慶生，已經早咗好多book，但係都book唔到窗口位，去之前已經覺得呢間餐廳一定好受歡迎。坐低個環境係舒服既，而且就係海邊，食到悶悶地望下個海個人都開心d。今次叫咗條馬友一夜干，燒肉拼盤，海鮮同一d小食。全部食物都好新鮮，極力推介一夜干，燒到啱啱好，全條魚都好脆，但又唔會燶，而且佢個調味唔會濃，有魚既鮮味，令人越食越想食。貴妃蚌落咗d清酒一齊燒，帶出咗海鮮既鮮甜味出黎，可以話食到大海既味道都唔誇張，下次會再翻去試下。