Hero Sandwich (已結業)

屋企附近新開了這間三文治店，開業個多星期在屋苑討論區的口碑唔錯，星期六朝早唔想煮飯就去試試。 結果發現...只能用「平靚正」三個字去形容，完全顛覆我對三文治店嘅睇法。印象中在商業區的三文治店是貴夾唔飽、凍冰冰又唔好食。呢間竟然舊膽開响大角咀呢啲舊區，仲要價錢十分大眾化，最貴的套餐都只係$38。分分鐘茶餐廳叫個炒粉都唔止啦！個包有番咁上下大個，加埋薯條一般人係絕對食得飽。每個包都是即叫即造，平均等5-8分鐘就有得食。試咗比薩三文治、燒肉眼牛排三文治、熱狗、焗薯同凍Cappucino。其中的燒肉眼牛排三文治絕不欺場，大大舊肉又夠juicy。比薩三文治味道同pizza有九成似，熱辣辣有大大塊的莎樂美腸，不過得一層麵包有點兒不夠飽。熱狗個醬同大X樂的有點似，當然條熱狗腸正好多啦！佢仲有其他麵包同凍餅蛋糕賣，不過三文治餐就經濟實惠得多。下次一定會試食甜品。有自助售票機方便客人繁忙時間自助落單，亦見好多人外賣自取。讚：牛肉夠份量，凍Cappucino用沙冰好飲。彈：焗薯太少醬同煙肉粒，好淡唔夠味。意見：1. 唔駛一個包跟一包茄汁，有點浪費。2. 如果跟餐可以特惠價配甜品又或者有甜品套餐就更好。