影片
更多
2018-09-20
285 浏览
本身諗住同男友入黎西貢食個生日飯我地見個環境咁有氣氛就比佢吸引左點知一失足成千古恨⋯一入到去老闆會硬推貴menu講到啲野食天花龍鳳又話日本黎又話煮法一流又話係穀飼牛總之講到好架勢好巴閉咁款咁好啦 咁山長水遠一場黎到就試下啦我地叫左半打法式焗田螺 味道認真麻麻地 非常普通仲叫左個日本宮崎黑豚西冷扒晚餐諗住好味就繼續再嗌其他野 或者叫多個餐沙律賣相好差好似BB食既糊仔咁 沙律醬溝稀左同埋知道入面係罐頭粟米 西芹 椰果 只可以講係食得落肚但唔會想俾錢食一個咁樣既沙律餐湯係羅宋湯個湯淡到見底 好稀好水又冇乜料配埋一塊好似威化餅咁薄既蒜蓉包好似一陣風咁 食完好似冇食主角既黑豚西冷扒同意粉一上菜既時候 嚇到我鼻哥窿都冇肉因為塊扒係真係冇肉 薄到稱唔上係扒只可以話係一塊肉片黎到已經凍左 微暖好難切開 咬到牙都軟因為太硬太乾太韌 幾乎冇肉汁一路食一路覺得好後悔自己入左哩間餐廳好想叫老闆自己黎試食一下（當然我冇哩個勇氣⋯只好硬食⋯）意粉份量好少 好乾又冇乜味感覺上就算份晚餐係我一個人食都食唔飽 唉我地仲叫左杯士多啤梨梳打唔覺得自己係飲緊梳打因為杯野飲係冇氣㗎 又唔凍似係包裝野倒出黎再溝稀 味道好化學廿幾
我地見個環境咁有氣氛就比佢吸引左
點知一失足成千古恨⋯
一入到去老闆會硬推貴menu
講到啲野食天花龍鳳
又話日本黎
又話煮法一流
又話係穀飼牛
總之講到好架勢好巴閉咁款
咁好啦 咁山長水遠一場黎到就試下啦
我地叫左半打法式焗田螺
味道認真麻麻地 非常普通
仲叫左個日本宮崎黑豚西冷扒晚餐
諗住好味就繼續再嗌其他野 或者叫多個餐
沙律賣相好差
好似BB食既糊仔咁 沙律醬溝稀左
同埋知道入面係罐頭粟米 西芹 椰果
只可以講係食得落肚
但唔會想俾錢食一個咁樣既沙律
餐湯係羅宋湯
個湯淡到見底 好稀好水又冇乜料
配埋一塊好似威化餅咁薄既蒜蓉包
好似一陣風咁 食完好似冇食
主角既黑豚西冷扒同意粉
一上菜既時候 嚇到我鼻哥窿都冇肉
因為塊扒係真係冇肉 薄到稱唔上係扒
只可以話係一塊肉片
黎到已經凍左 微暖
好難切開 咬到牙都軟
因為太硬太乾太韌 幾乎冇肉汁
一路食一路覺得好後悔自己入左哩間餐廳
好想叫老闆自己黎試食一下
（當然我冇哩個勇氣⋯只好硬食⋯）
意粉份量好少 好乾又冇乜味
感覺上就算份晚餐係我一個人食都食唔飽 唉
我地仲叫左杯士多啤梨梳打
唔覺得自己係飲緊梳打
因為杯野飲係冇氣㗎 又唔凍
似係包裝野倒出黎再溝稀 味道好化學
廿幾蚊杯 不如飲水算了
仲有杯熱既蜂蜜杏霜
已經係今次我覺得最正常既野了 so sad
仲有既就係 menu上面明明寫個餐有埋甜品
但老闆側側膊唔多覺
你唔主動叫佢唔會俾
佢明知我地要埋單
都唔會俾甜品我地
不過算啦 宜家請我食我都唔想食
只係覺得佢唔誠實
哩間餐廳價錢同質素完全唔成正比
仲要唔飽個下慘
喊出黎 我宜家都仲係好肚餓
食完覺得比人搵老襯
咁樣都開到餐廳 shame on you
张贴