何賢記甜品世家 (已結業)

何賢記最吸引我嘅地方係佢有好多養顏糖水，啱曬我呢啲咁注重外表嘅人，而且佢啲糖水嘅combination 喺其他糖水舖好少見。美顏牛奶浴$37.00桃膠、雪燕、三色芋圓、蛋白燉鮮奶、椰汁，成為一碗美顏甜點。口感QQ嘅桃膠、軟綿綿嘅雪燕、煙煙韌韌嘅芋圓，嫩滑蛋白燉鮮奶，一匙羹就滿足牙齒的願望，乜嘢口感都有。薑汁養顏桃園 $36.00薑汁唔會太辣，桃膠加雪燕爽口，芋圓同小丸子煙韌，每食一啖都覺得自己又靚左啲。