同朋友係cwb搵食, 見到安東元祖
上去試下先~~~
完全係韓國的裝修 , 好似真係去左韓國咁
裝修真係好特別
一坐低就比支水你 (係韓國的話係要自己拎的)
我同朋友都係想試佢的元祖奶奶雞and年糕
有薯仔、紅蘿蔔、青瓜、洋葱、冬菇和葱粒作配料 , 都算煮得入味
雞的肉質嫩滑入味 , 配合香濃鮮甜的醬汁 , 食落有d似濃味板鼓油雞
墊底的水晶粉口感似四川的紅薯粉 , 吸盡雞汁的精華 , 香濃惹味，滑溜中略帶嚼勁
眼見不是韓國個隻紅扑扑的年糕
試左少少汁, 原來係辣度溫和的咖喱醬汁
1
年糕吃起來煙韌黏糯 , 配合面層的芝士一起入口 , 雙重煙韌
因為年糕本身係無味 , 如果覺得個咖喱醬汁不夠濃味, 個人覺得可以點元祖奶奶雞的醬汁
比起我上年去韓國食個個紅扑扑的韓國年糕 , 我更愛元祖奶奶的芝士咖喱年糕
