話說今日又出開北區，我又去食米子燒肉了，上次都無留意到原來有好多定食餐，我見大部分嘅人都點一個餐，因為份量都好多，夠哂食。但食肉獸嘅我，都決定食個放題嘅。
2
因為朋友唔食牛，所以我又係所有野都點一轉。人人都好中意食和牛，當然和牛好食，牛脂分怖得好好。但我反而好欣賞其他牛。因為反而無咁肥又有牛味。
雞翼又最驚燒唔熟，佢呢度係細隻嘅，有肉汁得嚟又容易燒，唔會外面燒到焦入面末熟。仲可以有溶芝士。讚讚讚。
而豬肉亦有好多唔同嘅位置，仲可以無限量咁攞生菜配。
而我朋友就勁欣賞羊架，當然我自己就覺得有點羶味。但佢就食到啖啖肉，讚口不絕。
而我就成個蟹膏醬甲羅燒撈飯食左米碗飯，放題我想堅持唔食飯都唔得。🤪
飲品方面，我主打茶類都有餐廳自家製同紙包，仲有啤酒可以飲。。
講真，三百元內呢間性價比真係高嘅，就算唔食放題都可以食套餐。
