相馬日式火鍋 荔枝角 (已結業)

適逢中秋節，當然要同屋企人食返餐好既！今次我地成家就黎左呢間相馬日式火鍋度打邊爐，見呢度既評價幾好，我地都帶住期望既食，果然大家都冇失望😆❤️我地成家都好鍾意食海鮮，呢度簡直係我地既天堂🤣有勁多款唔同既海鮮任食，蝦、帶子、蠔，甚至大閘蟹都係任食，仲要有鮑魚添，唔叫多d對唔住自己，黎到既海鮮全部都大大粒，食落唔會有沙，夠新鮮，冇冰鮮味，連大閘蟹都好多膏，蟹肉肥美嫩滑👍任食真係好滿足！湯底我地就叫左清湯，幾清甜，煮完海鮮之後吸哂海鮮既精華好正！再食肉同其他配料好清甜！另外，呢間既肉質都好好，肥瘦啱啱好，每次黎既質素都保持到，肉質嫩滑，肉味夠出，有鮮味🤤👍我地都叫左好多碟，食返夠本，不得不提既係呢度仲有好多款小食，有點心、炸物等等，我最鍾意係佢地既單骨雞翼，香口之餘有好多唔同口味，單骨食得好方便，屋企人都讚🤤今次試完呢間邊爐，我地成家都好滿意，個個都食到勁飽，仲話下次媽咪生日要再黎🤣下次一定要留定個肚黎食！