影片
更多
2011-09-25
17 浏览
之前睇報紙見到介紹這間星洲名廚，寫到物超所值，咁啱本人都喜愛飲肉骨茶而且間鋪又離我屋企不遠，所以走咗去試。其實北帝街兩旁都有好多食市，不過既然一心想試這間所以就冇睇其他。去到間鋪前取了飛等了大約十分鐘就可以入坐了。看過餐牌後，因為得兩個人的關係，所以點了海南雞套餐(包括:油飯、油菜、1/4份海南雞、飲品、例湯)---$45 (凍飲加$2、拉茶加$4、椰青加$20)，另外點了個肉骨茶套餐(包括:白飯、肉骨茶、油茶)---$55，再加多個串燒豬肉。先講海南雞餐，油飯好香又有味，主角海南雞的份量夠，而且雞肉好滑，不過美中不足之處係用嚟點雞的豉油汁比較'傑'同埋少。而肉骨茶套餐我覺得超好味，D肉骨就算煲完之後都仲好滑，仲有汁比你點，個茶好濃足料(有當歸，龍眼肉，冬菇，妃子等)。最後講個串燒，可能因為成日食所以我覺得好似冇咩特別。這餐真係物有所值，埋單只要$126，食到捧住個肚走，超扺! 但地方比較窄，坐得唔係咁舒服，不過都會再去食。
之前睇報紙見到介紹這間星洲名廚，寫到物超所值，咁啱本人都喜愛飲肉骨茶而且間鋪又離我屋企不遠，所以走咗去試。
其實北帝街兩旁都有好多食市，不過既然一心想試這間所以就冇睇其他。去到間鋪前取了飛等了大約十分鐘就可以入坐了。看過餐牌後，因為得兩個人的關係，所以點了海南雞套餐(包括:油飯、油菜、1/4份海南雞、飲品、例湯)---$45 (凍飲加$2、拉茶加$4、椰青加$20)，另外點了個肉骨茶套餐(包括:白飯、肉骨茶、油茶)---$55，再加多個串燒豬肉。先講海南雞餐，油飯好香又有味，主角海南雞的份量夠，而且雞肉好滑，不過美中不足之處係用嚟點雞的豉油汁比較'傑'同埋少。而肉骨茶套餐我覺得超好味，D肉骨就算煲完之後都仲好滑，仲有汁比你點，個茶好濃足料(有當歸，龍眼肉，冬菇，妃子等)。最後講個串燒，可能因為成日食所以我覺得好似冇咩特別。這餐真係物有所值，埋單只要$126，食到捧住個肚走，超扺! 但地方比較窄，坐得唔係咁舒服，不過都會再去食。
张贴
