醉藥雞 (啟志樓) (已結業)

天氣乍暖還寒，仲要陰陰天落毛毛雨，呢啲天氣食咩好呢？同朋友仔係荃灣行呀行，見到呢間醉藥雞，正喎！好，坐低睇下有咩好食先。砂窩醉藥雞米線，用左紅棗、雲耳、淮山煮雞酒湯，個湯帶酒味得黎又清甜，滑滑雞肉配米線，唔錯。醉肝鮑跟飯，88蚊有肝有鮑魚好抵食，因為用酒浸泡過，都好入味，而且鮑魚都好有咬勁唔會韌。蛙蛙菜胡椒湯，蛙蛙菜好新鮮，個胡椒湯好好飲，呢度嘅湯類真係唔錯。醉鵪鶉蛋，好耐冇食過鵪鶉蛋，一份都有十幾廿粒，粒粒都光澤脹卜卜。雞絲粉皮，估唔到都好好食，個粉皮薄身而且爽，唔糊口的。