韓閣 (富裕樓) (已結業)

本人第一次忍唔住要寫文，話說難得黎到荃灣，見到韓閣佢由細店搬大鋪，所以又黎左食lunch試下啦，冇諗過留下一次咁難忘嘅經歷😑😑😑😑😑😑前菜有青瓜同羅白（竟然冇泡菜），我地一食已經覺得係咸，冇酸味同辣味，個味勁怪😣我地已經心諗間野唔太對路就係圖一相片上嘅呢碟鐵板熔岩泡菜炒飯出事，首先，佢明顯有蛋白未熟仲係透明狀，咁我地就以為係要自己同d飯一齊炒熟佢啦，第二，佢塊鐵板一d都唔熱囉，第三，佢個炒飯唔係剛剛炒起，係放係電飯煲焗左好耐個種，叫d侍應又冇人應態度又差咁，最後我地食左2啖就放棄，因為個質感實在太噁心😤圖二冇特別, 不過都唔係好食。我地當日倆公婆一返到屋企就開始肚痛肚瀉，下一日仲發冷發燒，急症室醫生就話我地有輕度食物中毒及腸胃炎，好彩檢測結果係陰性嚇死我地，咁嘅餐廳點都要告戒大家少食。。。唔係食完自己身體出事就得不償失啦😔😔