清真牛肉館 (龍崗道) (已結業)

心情有啲差....六點鐘黎到仲有啲位, 一張大枱有四組人, 每對都係情侶/夫婦! 我地之前已經黎過, 今次老公仍想食牛肉餅,$9, 我對大大件肉既物體無咩興趣, 上次試過已足夠, 不過, 見老公食得幾論盡, 啲汁真係幾多! 然後係麻醬麵, $22, 碗麵有好多青瓜, 啲麵大大條, 啲醬幾"傑"下, 味道普通, 唔夠香, 落少少花生粒可能會好味啲! 我就叫了一碗酸辣湯, $20, 只有酸味沒有辣味, 啲料少咗豬紅(唔賣豬)好似差啲, 再叫多一碟灼油麥菜, 大大碟, 走油都好油, 成三十幾蚊一碟, 係我食過既最貴! 唉...碗酸辣湯又令我味精敏感啦!P.S. 八卦聽到隔離對夫婦係睇完阿蘇黎試, 彈到不得了, 佢地仲叫咗個砂鍋雲吞雞, $80, 我諗係四人份, 雲吞大大粒都幾吸引!