梅之味 (麗都大廈) (已結業)

男朋友之前食過 話個鴨血臭豆腐好好食 就帶我去食 。果然 個台式麻辣臭豆腐堅好食 好入味！送飯一流！下次一定要再叫 內有臭豆腐、豬大腸同金菇 配搭得好好味 另外 亦叫左蒜香四季肥腸 都超好食😋 蒜香好正！好惹味！食唔停口 老闆娘仲好好客 認得我男朋友 請我地食台式鹽酥雞 😋 雞肉內炸完都仲食到肉汁 叫左兩杯野飲 我飲蜂蜜綠茶茶底 好正！ 價錢又唔算好貴 一般茶餐廳價錢 就好滿足 好似去左台灣咁！老闆娘都同我地講普通話 好想飛呀！下次再試食其他先！🤪🤪