正宗水上人蒸氣鍋專門店 (已結業)

今日有個幾friend既朋友生日，咁啱呢排都冇咩見所以約佢係生日前一日食飯，佢喺尖沙咀返工所以上網睇下尖沙咀有咩好西～見到呢間網上啲食評都幾好，做膽粗粗去試下！一入到去個環境都幾好， 而且啲人都好nice～叫嘢食個陣，咁岩有週年優惠，就嗌左兩個set A食～乜嘢都唔使搞！！！有專人幫你蒸～～～～～～～～～～～～～～等個陣又可以同friend敍敍舊出到去揀醬，發現有超多選擇！⁠⁠⁠⁠到後來開始有得食，有專人幫你將啲嘢逐啲逐啲蒸⁠⁠⁠⁠～呢個唔使豉油都好好食！一開始就係鑽石蜆，花蛤皇超鮮！呢個唔使多個一見到上面啲黑松露同咁大粒元貝就知好食                   成隻奄仔蟹都係膏！                        佢哋啲龍蝦真係必食！啖啖肉又夠彈性 ，                      咖哩x豬肉！ 呢個怪味咖哩唔辣架，食唔到辣嘅朋友唔使驚～                        最後呢個冰菜簡直係一試難忘，睇個表面以為好粗糙 食落去真係爽口到o曬嘴～食完之後仲有粥食 煮得幾好但係個人認為再甜啲比較好～～～～mark定介紹比朋友