更多
2017-07-04
295 浏览
因為住係附近所以基本上每個星期都會去元朗揾食,有次豬生諗住請朋友食飯,點知呢間店好多人排隊,果日又適逢星期五,費事等咁耐,所以轉左食雞煲。咁啱果日行過順便拎左飛,又剩係等兩張枱,所以就等下啦,諗住終於可以一嘗佢嘅吸引力,點知就出事啦⋯⋯食泰國嘢得兩個人就最好食餐啦,所以就叫左個二人餐,有我最愛嘅炸蝦餅,仲有二人份嘅玉子豆腐粉絲湯(因為我唔飲冬蔭功㗎),生菜包,咖喱牛肉配簿餅,仲有馬拉𥵃炒通菜,兩杯嘢飲同甜品。第一碟一上就上左主菜個咖嘢牛肉,呢碟咖哩牛肉真係用一隻碟上,真係無深度,隻碟仲要得一隻餐包碟咁大,牛肉仲少過菜芯炒牛肉入面嘅牛,無薯仔,但有幾條生菜配碟,我同豬生差啲以為係配菜,完。蝦餅,無蝦味,唔彈牙不特止,咬落去係梅嘅。生菜啲肉好鹹,二人餐都唔求大碟,但竟然係日本沙律果種size。湯無咩特別。最好味已經係個通菜。甜品係普通西米糕,椰子大菜糕。個西米糕勁,一食落口係溶,又鹹,豬生食一啖嬲到即刻掉開一邊。盛惠328。仲要唔飽。唔明點解咁多人排隊。以後都唔會黎。
食泰國嘢得兩個人就最好食餐啦,所以就叫左個二人餐,有我最愛嘅炸蝦餅,仲有二人份嘅玉子豆腐粉絲湯(因為我唔飲冬蔭功㗎),生菜包,咖喱牛肉配簿餅,仲有馬拉𥵃炒通菜,兩杯嘢飲同甜品。
第一碟一上就上左主菜個咖嘢牛肉,呢碟咖哩牛肉真係用一隻碟上,真係無深度,隻碟仲要得一隻餐包碟咁大,牛肉仲少過菜芯炒牛肉入面嘅牛,無薯仔,但有幾條生菜配碟,我同豬生差啲以為係配菜,完。
蝦餅,無蝦味,唔彈牙不特止,咬落去係梅嘅。
生菜啲肉好鹹,二人餐都唔求大碟,但竟然係日本沙律果種size。
湯無咩特別。
最好味已經係個通菜。
甜品係普通西米糕,椰子大菜糕。個西米糕勁,一食落口係溶,又鹹,豬生食一啖嬲到即刻掉開一邊。
盛惠328。
仲要唔飽。
唔明點解咁多人排隊。
以後都唔會黎。
张贴