開心鍋 (已結業)

今晚經朋友介紹試咗一間新開嘅bbq餐廳, 一入到餐廳裏面覺得好有地中海情懷, 全店係藍色同白色嘅設計, 因為相信係新餐廳 所以所有設施都好新。我哋一行20人選擇咗餐廳裏面最高級嗰個極上燒烤套餐. 食物出嚟嘅質素好好 有龍蝦尾，好大盤海鮮 ，同埋最近好多燒店都有嘅大熱日本蟹蓋， 再加上二三十款其他肉類及蔬菜食物。 真係睇落都覺得大陣仗。 店員安排我哋有室外及室內嘅位置，方便我哋喺裏面嘆一度嘆冷氣一度食。 而且室內亦有一啲遊戲board game畀我哋玩 ，好! 經過四個幾鐘頭嘅食玩, 全班朋友都好開心，咁就結束咗今晚嘅聚會